عايز مصر تتغير؟
انزل مظاهرات، الأمن هيضربك؟، مش مهم، فى انتخابات رئاسية، ادعم أيمن نور، مبارك كسب ب86%، فتنة طائفية فى اسكندرية عشان مسرحية، كمل حلم التغيير، فى مجلس شعبادعم الاخوان والمعارضة، الاخوان كسبو 88 كرسى، تكبيير، أيمن نور اتسجن، الطوارىء مستمرة، هيعدلو 3 مواد عشان جمال مبارك يترشح، اعمل اضراب عام و احشد، الاخوان باعوكمش مهم, انزل 6 ابريل 2008، اليوم سمع مع الناس، اعمل حركة 6 ابريل،دومة اتضرب و اتقبض عليه.
مكملين، الشباب بيتقبض عليه و جمال مبارك بقى عينى عينك هينزل، ايه ده واحد واخد نوبل بيقول ممكن ينزل رئاسة؟؟؟، البرادعى حلم التغيير الجديد اللى حرك الشباب كلهم، البرادعى بيتشتم وبعد ما كان فخر لمصر بقى دخل أمريكا العراق و يهودى، مش مشكلة مكملين مع البرادعى، أيمن نور خرج من السجن، حملة توقيعات لتعديل 3 مواد عملها البرادعى، ايه ده الحملة نزلت فى الشارع؟، الشرطة هتعتقل و تضرب، كمل مش مشكلة، الجمعية الوطنية للتغيير.
ايه ده فى صورة واحد متعذب شكلها صعب اوى، ازاى الافترا يوصل لكده، لازم نعمل حاجةكلنا خالد سعيد، انزل مظاهرات، انزل وقفات سلمية، ادى وشك للبحر، امسك مصحف، هيحاصروك، هيضربوك، مش مشكلة، انزل تانى و تالت، انتخابات مجلس شعب لجمال مبارك؟البرادعى بيقول متشاركوش بلاش نديهم شرعية، الاخوان و الوفد باعوك، 99% حزب وطنىمش مشكلة، كمل فى حلم التغيير، كنيسة اتفجرت و فتنة جديدة؟، ايه ده تونس خلعت رئيسها و هرب؟، ممكن نعمل زيهم؟
ايه 25 يناير عيد الشرطة يكون يوم لثورتنا، اطبع احشد انزل، عملو يوم وفاء لمبارك اليوم ده؟انزل ثورتك، ايه كل العدد ده دى أول مرة من زمان نبقى كده، فضو سيدى جابر و التحرير والأربعين بالقوة، انزل 26 و 27، ناس كتير اتحبست و اتصابت، 28 جمعة غضب، قطعو النت والاتصلات؟، قتلو الاف الشباب، الأقسام ولعت؟، المسجونين هربو؟، النظام سقط؟، ايه ده الجيش نزل هيضربنا؟، الجيش و الشعب ايد واحدة، بيان كمان شوية مبارك هيتنحى؟، هيشيل حكومة نظيف بس؟.
انزل تانى، خطاب تانى، نصبر 9 شهور؟، الشعب كله عيط و اتعاطف معاه، الشعب كله باعك و عايز استقرار، مش مشكلة انزل عادى، موقعة جمل، اسطول امريكى فى السويس، علاقات جنسية كاملة و بيدزا، حماس و ايران و كنتاكى و تامر بتاع غمرة، الاخوان مع عمر سليمان؟كمل الثورة، هيمشى، مش هيمشى، وائل غنيم بيعيط، 10 فبراير خطاب مصر كلها اتشلت فيه، 11 فبراير احشد ملايين و ده اخر يوم، بيان عمر سليمان، تنحى تنحى مخلوع، الراجل اللى ورا عمر سليمان.
حلم التغيير اتحقق، الجيش و الشعب ايد واحدة، سيبو الميادين العجلة لازم تدور، الجيش ضرب المعتصمين، كشوف عذرية؟، عايز أختى كاميليا و عبير، استفتاء، نعم للجنة لا للنارغزوة الصناديق، الانتخابات أولا، الاخوان باعوك رابع؟، مش مشكلة، كمل حلم التغيير، القبض على الشريف و زكريا و سرور، مبارك اتقبض عليه، الله أكبر، عصام شرف لغى التوقيت الصيفى!!، البالون و ضرب فى التحرير، اعتصام يوليو، فض الاعتصام اول رمضان و دخلو الجامع بالجزم؟، الاخوان باعوك، العسكر داسو الناس فى ماسبيرو، التلفزيون بيقول الاقباط هيهدو الجيش انقذو الجيش!!، واحد تخين بكرش نازل الرئاسة و بيدعو لثورة يوم 18-11.
وثيقة السلمى، مليوينة قندهار، الاسلاميين خلعو، التخين أبو كرش خلع، هو الشيخ حازم راح فين؟، اعتصام مصابين لثورة، الاعتصام اتفض بالقوة، انزل احشد، مجزرة محمد محمود، انزل كل يوم و عند المديرية فى اسكندرية، ناس كتير ماتت، بيبوظو العرس الديمقراطى؟، الانتخابات أولا؟، يسقط حكم العسكر، العسكر مش هيمشو، الاخوان باعوك سادس، دومة اتسجن تانىالجنزورى رئيس وزرا؟، الاخوان و السلف فرحانين و بيدعمو، الاخوان باعوك للمرة المليون؟، مش مشكلة، مكملين حلم التغيير، انزل اعتصم، الاعتصام اتفض بلقوة؟، قتلو ناس و سحلو ناس.
عرو بنات، الناس مش متعاطفة، الاسلاميين وعكاشة بيقولو نستاهل، ايه اللى وداها هناك؟الشعب كله ضدك، خلاص احشد ليوم 25-1-2012 من دلوقتى، اعمل مظاهرات و ندوات، كله بيخون فيك، عسكر و فلول و اخوان ضدك، الاخوان بيهجموك انك اناركى و بقناع بانديتا، البرادعى اعتذر على الرئاسة!!!، مش هيشارك فى لعبة العسكر!!!، بعتنا يا برادعى، حلم التغيير؟؟؟؟، يوم 25 جه، الثورة الجديدة، ايه عيد الثورة؟؟، هى الثورة نجحت خلاص؟، الاخوان عاملين منصة و مشغلين اغانى و طراطير، مش عارفين نعمل ثورة ضد العسكر بسبب الاخوان؟الاخوان ضربو الناس عند مجلس الشعب؟، الثورة ماتت؟.
مذبحة فى ستاد بورسعيد، يسقط يسقط حكم العسكر، البرلمان بيتكلم على تحريم، الانجليزى و ختان الاناث؟، انتخابات الرئاسة اتحددت خلاص؟، الاخوان نازلين بالشاطر وأبوالفتوح، فى ثوار مقتنعين ان أبو الفتوح مش اخوان!!، كلنا مع صباحى، فرصته ضعيفةاستبعدو الشاطر و ابواسماعيل و ايمن نور؟، الاخوان نزلو واحد تالت, مين ده؟، مناظرة أبوالفتوح و عمرو موسى، حمدين فرصته بقت احسن، الاعادة مرسى و شفيق!!!.
انا لله و انا اليه راجعون، الثورة ماتت، لسه فى أمل؟، اه انزل الميادين و ارفض النتيجة دى، ايه..ناس بتقول نعصر ليمون؟؟، الاخوان نزلو التحرير؟، الاخوان نزلو وسطنا، كل العتافات ضد شفيق بس مش مرسى كمان!!، هتسكتو على كده؟؟، مرسى مرشح الثورة!!!، وثيقة عهود وقايمة 100 يوم !!!، يا جدعان الاخوان أخطر من شفيق نفسه!!!، لأ؟؟، حمدين عايز مصلحته؟؟اعلنو مرسى رئيس قبلها؟، مرسى كسب؟، البقاء لله، النور بيقطع كتير، زبالة كتير، جنودنا ماتو ساعة الفطار، اقالة طنطاوى و عنان، مرسى بقى من الثورة، تكريم طنطاوى و عنان و قلادة النيل، الفلول نازلين 24 أغسطس، ملناش دعوة، الـ100 يوم خلصو و خدنا بمبة، انزل جمعة كشف الحساب 12 أكتوبر، الاخوان نازلين؟.
الاخوان كسرو منصة التيار الشعبى؟، انزل مصر مش عزبة، ذكرى محمد محمود، الداخلية ضربونا تانى؟، جيكا مات، مرسى هيقول قرارات ثورية؟؟، الاخوان نازلين تأييد من قبل ميعرفوحصن قراراته!!!، كده ملوش شرعية و شرعيته سقطت، مرسى لازم يتشال لو فى قانونجبهة انقاذ فيها ثوار و فلول مع بعض !!!، مظاهرات ضد الاعلان الدستورى، الاخوان نازلين مظاهرات تأييد؟؟، اعتصام الاتحادية، الاخوان هجمو مسلحين؟، جبنة نستو؟، قتلو الثوار؟مرسى واقف بيتفرج!!، الحسينى مات، الدستور اتسلق؟، هيتعمل استفتاء، مقاطعين، هنقول لأ، النتيجة نعم.
حلم التغيير موجود، لازم الاخوان يمشو، حسن مصطفى اتمسك، احشد ليوم 25-1-201326 محكمة بورسعيد، نزل عدد كبير، قنابل غاز جديدة، الجندى مات، الموجة الثورية هديتالاخوان ركبو و دلدلو، تعيينات مجلس الشورى كله اخوان، أحمد دومة اتقبض عليه تالت، الدنيا هديت؟، كمل حلم التغيير، تمرد، هنلم توقيعات لعزل مرسى، هتتحارب، الاخوان، هيضربوك هيشككو فى ارقامك، هيقولك هو كل مميعجبكش رئيس تمشيه، طنشهممكملين حلم التغيير، انزل مناطق شعبية، الاخوان هيضربوك، الأهالى هيحموك، أغلب الناس كارهة الاخوان؟، الشعب كله معانا، الفلول انضمو لينا، الداخلية انضمت لينا؟.
كله حاطط أمل علينا احنا، حطو ارهابى محافظ الأقصر، الاخوان بيهددونا، الارهابيين بيهددوناالزمر و عاصم عبد الماجد و صفوت حجازى، مؤتمر سوريا و دعاء علينا، خطاب 4 ساعات مرسى و شرشحة نسوان، تهديدات صريحة للمعارضة و القنوات، انزل يوم 30-6، الجيش هيحمينا منهم، عدد محصلش فى العالم قبل كده، اعتصام، الجيش حدد 48 ساعة، مرسى بيهددنا بمصير سوريا.
الجيش شال مرسى وحط عدلى منصور، الله أكبر، حلم التغيير قرب يتحقق، اعتصام رابعة، عايزين دستور جديد، حزب النور معترض، البرادعى رئيس وزراء، حزب النور معترض، زياد بهاد الدين رئيس وزراء، حزب النور معترض، البرادعى نائب رئيس، الثورة تحكم أخيرا، ثورة، انقلابثورة، أبو الفتوح اتكشف و بيقول ده انقلاب، الاخوان نازلين مظاهرات، مجزرة سيدى جابر 5-7رمى الأطفال من فوق السطح، فوتوشوب؟؟، الاخوان ضربو نار على الجيش، راح الجيش راددالجزيرة زايطة علينا، الجزيرة بتطبل للاخوان، بيقولو مجزرة حرس جمهورى؟؟، بيدعو اوباما يلحقهم!!، اختراق كماين فى العريش.
جنودنا بتموت، الاخوان شمتانين، السيسى طالب تفويض، كلنا ضد الارهاب، اضرب يا سيسى واحنا معاك، مليونية مليونية، الاعلام المصرى بيطبل للسيسى، رايحين يبنو سور فى كوبرى اكتوبر، مات منهم ناس، اشتون سابت البرادعى، الاخوان طالبين تدخل ضد مصرالاخوان قاطعين طرق و بيضربو الناس، الاخوان مسلحين، رابعة بؤرة ارهاب، هتتفض، مش هتتفض، فى ثوار متعاطفين مع الاخوان؟؟، ميدان تالت؟؟، حركة أحرار حازمون بقوا ثوار؟؟؟بيشتمو العسكر بس، الاخوان بيقولو مرسى راجع، المفاوضات فشلت، مبادرة الأزهرالاعتصام اتفض؟، لسه؟، مجارى، اقطعو نور.
معسكرات الأمن المركزى اتحركت، ايه أخبار لجنة الدستور؟، حركة محافظين جديد، كلها عساكر و فلول و حزب وطنى، الثورة ماتت، مكملين، حلم التغيير؟، فين الثوار؟، الثوار فيهم ناس بيقولو ده انقلاب، وفيهم ناس بتقول محمود بدر وحش، التحرير اتملى فلول و شرطةورابعة اخوان و ارهابيين، و التالت حازمون و مصر القوية "اخوان متنكرين".
الاعتصام هيتفض في رمضان، لأ هيفضوه في العيد، لأ بعد رمضان والعيد علشان حرمة الشهر الكريم والأيام المفترجة، الإخوان عملوا مراجيح في رابعة والنهضة علشان احتفال العيد، العيد خلص والاعتصام ما اتفضش، الإخوان بيقولوا إن "الانقلابيين" مش هيقدروا يفضوا الاعتصام، اجراءات أمنية شديدة عند رابعة والنهضة، بيقولوا الدنيا مقلوبة والإعتصام بيتفض، ياراجل قديمة قالوها قبل كدة، الاعتصام بيتفض فعلا!!، اعتصام النهضة اتفض خلاص، لقوا توابيت فيها طلقات وأسلحة، بيحاولوا يفضوا اعتصام رابعة، اعداد قليلة من الإخوان عاملين قلق في أكتر من حتة لتشتيت الأمن واشاعة الفوضى.
اعتصام رابعة اتفض؟، لأ لسه، قبضوا على البلتاجي؟، لأ بيقولوا مات، لأ هرب، بنت الشاطر اتصابت وبنت البلتاجي ماتت، رابعة اتفضت، لسه شوية، الإخوان حرقوا عربيات شرطة وجواها الجنود وحدفوا مدرعات داخلها عساكر من فوق الكوبري، الإخوان بيحاولوا يعتصموا في اماكن تانية، الأمن بيطاردهم، ضرب غاز، خرطوش، طلقات فشنك، آي دول بيموتونا وبيعتدوا على المظاهرات السلمية، كسر، احرق، اضرب، روع الناس، رابعة اتفضت، قبضوا على البتاجي وصفوت والعريان وعارف، العريان نفى على تويتر، ضرب في رابعة، أنباء عن هروب قيادات الإخوان بعد القبض عليهم.
انباء عن فرض حظر التجول، مجلس الوزرا بيناشد المتظاهرين العودة لمنازلهم وحقن الدماء، رئيس الوزرا فرض الطوارىء في 11 محافظة منهم القاهرة والإسكندرية، قرروا حظر التجول في محافظات الطوارئ من 7 مساءا لحد 6 صباحا، بقوا 13 محافظة، الجيش هيتعامل مع خرق حظر التجول بكل حزم، قرروا مد بدء حظر التجول النهاردة من الساعة 9 علشان الناس اللي ما تعرفش وبرة في الشارع.
اقتحام للاقسام، حرق العساكر والظباط وهما أحياء والتمثيل بجثثهم، بيحاولوا يقتحموا السجون، ايه دة سيناريو 28 يناير تاني، واحد خبيث بيقارن بين اللي حصل قبل كدة واللي بيحصل دلوقتي، الإخوان هما اللي نفذوا الاتنين، بيحرقوا الكنايس، الببلاوي بيتكلم، لسه بيقولك ما فيش اقصاء، اضطرينا لفض الاعتصام بعد فشل كل المفاوضات، وزير الداخلية بيتكلم، فضينا الاعتصام بالغاز، العناصر المسلحة قتلت الظباط والجنود، لسه ما عنديش معلومات عن أسماء اللي اتقبض عليهم من قيادات الإخوان.
ستااااااااااااااااار أسود
لم أكن يومًا ضد المحاكمات العسكرية للمدنيين -في المطلق- فيما يتعلق بالجرائم التي ترتكب ضد القوات المسلحة، حيث إن لبعض الوقائع شيئا من الخصوصية يتمثل في ضرورة سرعة الفصل في القضية للحفاظ على هيبة مؤسسة كالمؤسسة العسكرية وردع المخطئ، وهو ما لن تكفله المحاكمة الطبيعية.
لم أكن يومًا ضد المحاكمات العسكرية للمدنيين -في المطلق- فيما يتعلق بالجرائم التي ترتكب ضد القوات المسلحة، حيث إن لبعض الوقائع شيئا من الخصوصية يتمثل في ضرورة سرعة الفصل في القضية للحفاظ على هيبة مؤسسة كالمؤسسة العسكرية وردع المخطئ، وهو ما لن تكفله المحاكمة الطبيعية.
